Book Detail

Buuggani waxa uu nolosha qof kasta u noqon karaa tilmaame. Waxa lagala bixi karaa tilmaamo faro badan dhallin iyo waayeelba. Sheekaduna waxa ay u dhaxaysaa miyi iyo magaalo, waxa ay la xidhiidhaana nin inta uu heer sare ka gaadhey noloshii magaalada, iibsedey markab oo dabadeedna u soo baxay miyi, socdayna ilaa iyo Qoraxay (waa badhtamaha Soomaaliyada Itoobiya) oo halkaa geel ku raacay. lyaba yaab leh ee, waxa kale oo ay sheekadu taataabanaysaa ismaandhaafka ka dhex dhalan kara dadka miyiga iyo kuwa magaalada. Tusaale ahaan markii ninkan miyiga uu tegey ee uu beelihii uga sheekeeyey markabku waxtarka uu u leeyahay ganacsiga iyo dhoofkaba, ayaa nin ka mid ah odayaashii beeluhu ku yidhi, Waar markabka aad sheegeysaa ma noo waraabinayaa geela iyo adhiga jiilaalkii? Intaa waxa dheer dhacdooyinka kale ee faraha badan ee sixir iyo indho-sarcaadka mooyee aanad run u qaadan doonin. Laakiin se, waa wada run. Markaa waxaa fiican in aan lagaaga sheekayn ee aad adigu ka sheekeysid iyada oo aad mar walba ka dhigan kartid maahmaah ama tusaale amaba hal- hayn. Buuggani waxa u faa'iido u leeyahay dhammaan bulsho weynta oo idil, siiba faca da'da yar ee aan weli yeelan waayo-aragnimo ku filan, la fili karana in uu waxtar hor leh u yeesho haddii ay akhristaan. Waxa kale oo aan kaga sheekeynayaa waxyaabo kale oo aan arkay in ay il-fur u noqon karaan um- madda Soomaaliyeed. Haddaba, aniga oo soo saaraya daabacaaddii ugu horrey sey ee buuggan, waxa aan ka cudur daaranayaa haddii lagala kulmo wax dhallii- lo ah dhan kastaba ha noqoto.CABDILLAAHI CAWED (LUGWEYNE)

−+

Add To Cart